මේක පටන් ගත්තෙ 2008.11.23 වෙනිදා. එදාට යෙදිලා තිබුණු සුබ නැකතකින් තමයි අපේ අධ්‍යාපන මධ්‍යස්ථානය ඉදි කරන්න පටන් ගත්තෙ.
ඉතිං ඒ ගමන අද වන තුරු අපේ සාමාජිකයන්ගේ දුක් කම්කටොලු මෙනම අද්දැකීම්ද සමගින් අවුරුදු දෙකකට ආසන්න කාලයක් අදිලා ආවා. අපේ මේ ගොඩනැගිල්ල ඇත්තෙන්ම සුවිශේෂයි. 'අදර්න් බිල්ඩින්' (earthen building) ගොඩනැගිලි තාක්ෂණය තමයි මෙයට යොදාගෙන තියන්නෙ.
මේක පරිසර හිතකාමී නිවාසයක්. අපි මුලින්ම කලේ අත්තිවාරම බැන්ඳට පස්සෙ පස් සහ සිමෙන්ති මිශ්‍ර කරලා යන්ත්‍රයක් ආධාරයෙන් ගලක් නිර්මාණය කිරීමයි. ඇත්තටම මේ ගල වේලුනාට පස්සෙ කලු ගලක් වගේ හයියයි. ඒට පස්ස්සෙ අපි ගොඩනගිල්ලෙ බිත්ති බැන්දා. ගල් එකින් එක සම්බන්ධ කලේ මැටි හා සිමෙන්ති මිශ්‍ර කර සාදා ගත් කොලපුවකින්.
බිත්ති බඳින විට අපි කොන්ක්‍රීට් යොදා ගත්තෙ අත්‍යවශ්‍යම තැන් වලට විතරයි. කොහොම හරි බිත්ති බඳින අතරෙ වහලෙ ගහන්නත් සෙට් උනා.
වහලෙ ලී විදියට අපි තෝරා ගත්තෙ අපේ පළාත ආක්‍රමණය කරමින් වැඩෙන ගිනිකූරු ශාකරේ දැව පමණයි. ඊට පස්සෙ සෙවිලි කරන්න උලු සොයා ගත්තෙ ඇඹිලිපිටියෙන්. මේ උලු වර්ගය ඉක්මනින් තාප සංක්‍රමණය සිදු කර ඇතුලතට සිසිලසක් ගෙන ඒමට සමත්. අපි භූමිය සකස් කිරීමේදිත් යොදා ගත්තෙ ඒ බිමෙන් ඉවත් කරන ලද ගල් සහ පස් විතරමයි. ඒත් එක්කම අපි, ගොඩනැගිල්ල ඉදි කිරීමේදී ඒ අවට වෙසෙන ශාක වලට මෙන්ම සතුන්ටත් අවම බලපෑමක් ඇතිවෙන විදියට ඒවා කරන්නත් පරෙස්සම් උනා.
No comments:
Post a Comment