Thursday, November 13, 2014

ශී‍්‍ර ලංකාවේ ලෙන් විහාර සහ පරිසර පද්ධති අතර සබැඳියාව සොයා පිය මං කළ එක් දින චාරිකාව.........

ශී‍්‍ර ලංකාවේ ලෙන් විහාර සහ පරිසර පද්ධති අතර සබැඳියාව සොයා පිය මං කළ එක් දින චාරිකාව.........

මෙම ඉල් මහේ මිහිතල මිතුරන්ගේ එක් දින චාරිකාවේ අරමුණ උනේ ශී‍්‍ර ලංකාවේ ලෙන් විහාර සහ පරිසර පද්ධති අතර සබැඳියාව සොයා යාමයි. තම සාමාජිකයින් සහ හිතවතුන් සමග ඒ සඳහා ගමන් කළේ ගම්පහ දිස්ති‍්‍රක්කයේ සියනෑ කෝරළයේ පිහිටි ලෙන් විහාර කිහිපයක් වෙතටයි. මේ සූදානම ඒ පිළිබඳ තොරතුරු ඔබ වෙතට ගෙන එන්නයි.

ඉල් මහේ එනම් 2014 නොවැම්බරයේ 01 වන ශනිදා අපි උදෑසනින්ම ගමන පිටත් උනා. මෙවර චාරිකාවට පිරිස ප‍්‍රමාණය ඉක්මවාගිය සංඛ්‍යාවක්  ඉදිරිපත් වූ නිසා පසුව සම්බන්ධ වූ අය සඳහා නොවැම්බර් 09 වෙනිදා චාරිකාව යන බලාපොරොත්තු වෙන් මෙම චාරිකාව පිටත් උනා.



අපේ චාරිකාවට ළමා සමාජ,තරුණ සංවිධානය සහ සජන මිතුරෝ සාමාජිකයින් සහභාගි උනා. ඒ අතරේ තායිලන්තයේ පන් පන් ආයතනයේ සිට පැමිණි රම්පායි මෙනෙවියත් සිටියා.



නොවැම්බර් 09 චාරිකාවේ කණ්ඩායම

පිළිකුත්තුවේ ඉතිහාසය ආදි මානවයින් දක්වා එනම් ප‍්‍රාග් ඓතිහාසික යුගය දක්වා දිව යන බවයි ඉතිහාඥයින්ගේ මතය. කෙසේ වෙතත් මෙහි ඇති සෙල් ලිපියට අනුව මෙය අනුරාධපුර යුගය දක්වා දිව යනවා.
වලගම්බා රජතුමා චෝල ආක‍්‍රමණය හමුවේ පැරද පළාවිත් සැගව සේනා සංවිධානය කළ ස්ථානයක් ලෙස පිළිකුත්තුව සැළකෙනවා. කි‍්‍ර.පූ.88 දී නැවත රජකම ලබාගත් පසු වලගම්බා රජතුමා මෙම ස්ථානයේ ලෙන් විහාර කළ බවයි පැවසෙන්නේ.

ප‍්‍රමාණයෙන් අක්කර 48 ක් ද මුහුදු මට්ටමේ සිට අඩි 400-450 ක් පමණද උසකින් පිහිටා ඇති මෙය ශී‍්‍ර ලංකාවේ ස්වභාවික ගල්ලෙන් වැඩිම ප‍්‍රමාණයක් පිහිටි ස්ථානය යි. මෙහි ස්වභාවික ගල් ලෙන් 99 ක් හඳුනාගෙන තිබේ. එම සෑම ගල්ලෙන් සියල්ලකම කටාරම් කොටා ඇත .  ඉන් හැගවෙන්නේ මේ සියල්ලම මානව පරිහරණයට යොදාගත් බවයි. 


වලගම්බා රජු පහත රට සැගව සිටින කාලයේ පිළිකුත්තුව ලෙන් ගුහාතුල වැඩි කාලයක් සැගවි සිටිබව කියවේ. ජනප‍්‍රවාදයට අනුව මේ එක් ලෙනක් වලගම්බා රජ්ජුරුවන්ගෙ ඇඳුම් ගබඩා කර තබා ගැනීමට භාවිතා කර තිබේ. එබැවින් පිළි සගවා තැබූ ස්ථානය පිළිකුත්තුව වූ බවට මතයක් පවතී. තවද එම අවධියේ රජතුමාගේ බිසව වූ සෝමා දේවියගේ රාජකීය ඇදුම් අයිත්තම් ආරක්ෂාව පිණිස සගවා තිබූ ස්ථානය මෙය වූ බැවින් පිළි සගවා තැබූ තැන පිළිකුත්තුව බව එක් ජනප‍්‍රවාදයකි. එලසම රාජමහා ඇමතීන්ට රෙදි පිළි සැපයූ තැන පිළිකුත්තුව බව තවත් මතයකි. 


පිළිකුත්තුව විහාර භූමිය තුළ කි.පූ. 3-4 යුගයට අයත් ලෙන් ගුහා අති විශාල ප‍්‍රමාණයක් ඇත. ඉපැරණි පොකුණු වටිනා කම මිල කල නොහැකි වෘක්ෂලතා මෙම විහාරයේ වටිනාකම ඉහළ දමයි.



පිළිකුත්තුව ආශි‍්‍රතව තවත් ඓතිහාසික ගම්මාන 06 කි. එම ගම්වල නාමයන් ද යම් යම් ඓතිහාසික කරුණු හා ජනප‍්‍රවාද මත රඳා පවති. යුධ භටයන් බඳවා ගත් ප‍්‍රදේශය යොන්ගම්මන ද යුධ භටයන් රැුස්කළ ප‍්‍රදේශය බටේපොළ ද යුධභටයන්ට බත් දුන් ප‍්‍රදේශය බුත්පිටිය ද දළදා වහන්සේ තැන්පත් කිරිමට සෑදු රහස් කුටියට පස් ලබාගත් ප‍්‍රදේශය පසුගම්මන සහ දළදා මාළිිගාව ඉදිකර දළදාවහන්සේ තැන්පත් කළ ප‍්‍රදේශය මාළිිගාතැන්න

පිළිකුත්තුව රාජමහා විහාරයේ වැඩහිදින මහනුවර යුගයට අයත් යැයි සැලකෙන දාගැබ් වහන්සේ ප‍්‍රමාණයෙන් කුඩාය. මෙය පිහිටා ඇත්තේද ගල් ලෙනක් තුලය. මෙම චෛත්‍ය රාජයන් වහන්සේව වැස්සෙන් ආරක්ෂා කර ගැනීමට ලෙන වටා කටාරම් කොටා ඇති අයුරුද දැකගත හැකිය. මෙම විහාරයේ 16 වන ශතවර්ෂයේ අඳින ලද චිත‍්‍රයන්ද තවමත් දැක ගත හැකිය. මෙම චිත‍්‍රවල උඩුකය නිරුවත් කාන්තා රූප දක්නට ලැබේ.බිත්ති වල සිතුවම් කර ඇති මහනුවර යුගයට අයත් සිතුවම් බොහොමයක් ජාතක කතා වලින් විචිත‍්‍රවත් වී ඇත. ඔ්ලන්ද පාලන සමයේ මෙම සිතුවම් ඇඳි හෙයින් බොහෝ විට ඇඳුම් ආයිත්තම් හා ආභරණ ඔ්ලන්ද සම්ප‍්‍රදායන් විදහා දක්වයි.

ධර්මපාල ජාතකය දැක්වෙන සිතුවමක්


වෙස්සන්තර ජාතකය විදහා දැක්වෙන සිතුවමක්

පිළිකුත්තුව කඳු මුදුනේ රමණිය විශාල ගල් තලාවකි. 



කඳු මුදුනට පැමිනි විට අවට විහාල භූමි ප‍්‍රදේශයක් දර්ශනය වන අතර එම දසුනින්  සිත් සතන් නිවී පහන් වී යයි.


වට අඩි 6 ක් පමණ වන වසර 400 ක් පමණ පැරණි යෝධ පුස්වැල මේ බිමට මහත් අභිමානයක් ගෙන එයි. එය විවිධ විසිතුරු රටා මවමින් දසත විහිදී ඇත.



මෙම ස්ථානයේ ඇති තවත් වැදගත් අංගයක් වනුයේ ඔ්ලන්ද සමයේ ඉදිකරන ලද මහනුවර යුගයට අයත් දැව පාලමයි.


මෙම නිස්කලංක පරිසරය ගතට මෙන්ම මනසට ද සුවදායකය. මෙහි ඇති රුක්ගොමු , ලෙන් හා විහාරාරාම අපේ ඉතිහාසයේ  රහස් නිහඩව සගවාගෙන ඇත. මෙම පින්බිම අද දවස මිනිස් නොපණත් කම් වලින් විනාශවෙමින් පවතී. නිධන් හොරුන් හා ජඩ ගති ඇති මිනිසුන් මෙම සොඳුරු බිම කිලිටි කරමින් ඇත. බලධාරීන්ගේ හා වගකිවයුතු සියලූ අංශයන්ගේ අවධානය පිළිකුත්තුවට යොමුවේනම් එවිට මෙම පිංබිම මතුපරපුර වෙනුවෙන් සුරැුකෙනු ඇත.

පිළිකුත්තුව නරඹා අපි පියමං කළේ එවැනිම තවත් වැදගත් ඓතිහාසික ස්ථානයක් වෙතටයි. ඒ මාලිගාතැන්නයි.

ආරම්භයේ දිම කළුගල් පව්වමත ක‍්‍රමාණුකූලව ඉදිකරන ලද පියගැට පෙළ මාලිගාතැන්නට නව අභිමානයක් ගෙන එයි.

පියගැට පෙළ අවසන්ව මකර තොරණ අබියස දෙපස කළුගලින් නිමවන ලද කැටයම් දෙකක් වෙයි. ඒ මත හුනු අතුරා අළුත්වැඩියාවක් ද කර ඇත. එහි හිරු-සඳු දකුණු පසද බල්ලා හා කපුටාගේ රුව වම් පස ද කැටයම් කර ඇත. එහි සැගවුන අරුතක් ඇත. ඉන් කියැවෙන්නේ ඉර හඳ පවතින තුරු පවතින්නා වූ මෙම විහාරාරාම වනසන්නවුන් බල්ලන් හා කපුටන් වී උපදින බවයි. 



මාලිගාතැන්න පර්වත භූමිය තුල කි‍්‍ර.පූ. යුගයේ දී (වර්ෂ නිශ්චිත නැත) භාවිතාකරන ලද ගල් ලෙන් කිහිපයක් සහිතය. මෙම ස්ථානය වළගම්බා රජු සැගව සිටි තැනක් බවද කෝට්ටේ යුගයේ පර සතුරු උවදුරු තිබූ අවස්ථාවල රජුන් හා ඇමතීන්ට ආරක්ෂාව හා රැුකවරණය දුන් තැනක් බව ද ජනප‍්‍රවාදයයි. එමෙන්ම කෝට්ටේ දොන් ජුවන් ධර්මපාල රජු පෘතුගීසින් හා එක්ව කතෝලික ආගම වැළඳගත් පසු ඇති වූ ව්‍යාකූල කාලයේ දී දළදා මන්දිරයේ දියවඩන නිලය දැරූ හිරිපිටියේ රාල විසින් දන්ත ධාතූන් වහන්සේ වඩමාගෙන විත් ආරක්ෂාව සඳහා මාලිගයක් කරවා තැන්පත් කළ බැව් සඳහන්වේ. දළදා වහන්සේ වැඩසිටි මාලිගය පිහිටි භූමිය මාලිගාතැන්න විය. 

මාලිගාතැන්න විහාරස්ථානය මුළුමනින්ම පිහිටා ඇත්තේ දැවැන්ත ගල් පර්වතයක් මතය. පර්වත ආරම්භයේ සිටම විහාරයට ඇතුළුවීම දක්වාත් ඉන් ඔබ්බට ඉහළ පුරාණ බෝධි වෘක්ෂය දක්වාත් තැනින් තැන ගල් පඩි මනා ලෙස සකසා ඇත.
සෙමින් සෙමින් ඉහළ නැග යන අතර අවට පරිසරයේ සුන්දරත්වය නෙතට අඳුනක් මෙනි. පර්වතය ඉහළට යන මාර්ගය විටෙක ක‍්‍රමවත්ව ද තවත් විටෙක අක‍්‍රමවත්ව කුඩා ගල්වලින් සමන්විතය. නැග්මෙන් අඩක් පමණ ඉහළක දී සොබාදහමේ සොඳුරු නිර්මාණයක් හමුවන්නේය. එ් දැවැන්ත ගල් පර්වත 2 ක් තුළින් ඉහළට ගල් පඩි 75 -100 ක් පමණ නැගීමය. 


පර්වතයේ ඉහළ කොටසට ඇතුලූවන තැන පිහිටා ඇති වක්වූ ගල් පඩි හෙළ කළාකරුවාගේ සෙල්මුවා නිර්මාණයෙහි ඇති නිපුනතාවය හොඳින් පසක් කරන අවස්ථාවක් ලෙස හඳුන්වා දිමෙහි කිසිදු වරදක් නැත.

 මේ ලෙන් විහාරාරාම නිසාම මෙම මහා ගල්පර්වත සුරක්ෂිතව පවතS නොඑසේනම් මේවා කෑදර මිනිස් හස්තයෙන් වැනසී යනු නිසැකය. මාලිගාතැන්න කඳු මුදුනට නැංග විට එහි බටහිර බෑවුම පුරා මහා ගල් පර්වත පුපුරුවා හරිමින් වනසන දුක්මුසු දර්ශනය සැබෑ මානව හදවත් කම්පා කරවයි. නොඑසේනම් මේවා කෑදර මිනිස් හස්තයෙන් වැනසී යනු නිසැකය. මාලිගාතැන්න කඳු මුදුනට නැංග විට එහි බටහිර බෑවුම පුරා මහා ගල් පර්වත පුපුරුවා හරිමින් වනසන දුක්මුසු දර්ශනය සැබෑ මානව හදවත් කම්පා කරවයි 


තමා ඉදිරියේ මියැදෙමින් සිටින තමාගේම සොයුරෙකු දෙස බලා සිටින දැවැන්තයෙක්

මාලිිගාතැන්නෙන් නික්මුන අප කණ්ඩායම ඊලගට ගමන් කළේ වාරණ රජමහා විහාරය වෙතටයි



ලිඛිත දත්ත වලට අනුව දෙවන හා තුන් වන ශතවර්ෂ වලදී දේවානම් පියතිස්ස රජ සමයේ ඉදි කලා යැයි සැලකෙන මෙම විහාරය ද වලගම්බා රජු විසින් කර වූ බව සැලකේ. ගල් විහාර නිර්මාණයේ ප‍්‍ර‍්‍රමුඛ රජෙකු වූ වලගම්බා රජු ඉන්දීය ආක‍්‍රමණයන් වලදී මෙම ස්ථානයේද සැගවී සිට යුද ජයග‍්‍රහණයෙන් පසු මෙම ස්ථානයේද විහාරයක් කරවා ඇතx එය වාරණ රජමහා විහාරයයි

ඉහළ මළුවේ ඇති ලෙන් විහාරය - මෙහි මහනුවර යුගයට අයත් සිතුවම් හා සැතපෙන පිළිමයක් ඇත

වාරණින් අප පියමං කළේ මෙම චාරිකාවේ තවත් අපූර්ව ස්ථානයක් වෙතට  දිනයේ වෙහෙස මහන්සිය නිවා දමා ගතට සිතට සිසිලසක් ලබා ගන්නා අටියෙන් අප අත්තනගල්ල සිට අල්ගම දක්වා ගමන් කළේ දුනුමාල ඔයෙන් නිර්මාණය වන අඩි 40 ක් පමණ උසකින් ගලා හැලෙන දුනාමාල ඇල්ල හෙවත් දේවින් පැන්න ඇල්ල සමීපයටයි



මෙය සුවිශේෂි ඇල්ලක්. නිරුපද‍්‍රිතව දිය නෑමට හැකි ස්ථානයක්  ඇල්ලට ඔළුව අල්ලගෙන නාන්න ලැබෙන දුර්ලබ අවස්ථාවක්  පිටට ඉහළ සිට වතුර වැටෙන කොට හරියට ගල් කැට වැටෙනව වගේ ජලයෙන් අපේ ශරිරය සම්බාහනය කර ගන්න ලැබෙන අවස්ථාවක් නාන් බැහැ කියපු අයත් අන්තිමට නාන්න පටන් ගත්ත හැමෝම සිත් සේ ඇල්ලෙන් න නා ගත්ත. කළාතුරකින් ලැබෙන අවස්ථාවක්.


ඒත් අවාසනාව කියන්නෙ අපේ රටේ මේ වගෙ සුන්දර තැන් හරියට භාවිතා කරන්න නොදන්න මුග්ධයින් නිසා මේ බිමත් වැනසෙන්න පටන් අරගෙන. මත්පැන් බිල බියර් කෑන් හැමතැනම දාල. අරක්කු බෝතල් බිඳල විදුරු කැට විසුරුවා දමල. පොලිතින් වලින් බිම අපිරිසිඳු කරල. මෙවන් සුන්දර තැන් රැුකගන්න මීට වඩා ශිෂ්ඨ සම්පන්න සමාජයක් නිර්මාණය විය යුතුයි. ඒ සඳහා අපි හැමෝම එක් විය යුතු කාලය ඇවිල්ල.



Wednesday, November 12, 2014

20 වසරක නොමැකෙන පියසටහන් ඔස්සේ ඇවිද ගියෙමි .........

20 වසරක නොමැකෙන පියසටහන් ඔස්සේ ඇවිද ගියෙමි .........

එදා 1994  බිනර මහේ පුන්පොහෝය දා . තේරෙන භාෂාවෙන් කියනවනම් සැප්තැම්බර් 19 වෙනිදා. මිහිතලය සුවපත් කරන්නට මේ ඉර හඳයට දිවි ගෙවන මානවකයින් 15 දෙනෙක් ගමනක් ඇරඹුවා. 
එදා එක්ව ගමනක් යන්නට එකතුවූ 15 දෙනාගේ අත්සන් ලේඛණය

 සොයිසාවරුන්ගේ පැරණි ඔළබොඩුවවත්තේ පිහිටි කොඩිගහකන්ද ස්වභාවික වනපෙත සංරක්ෂණය කිරිමේ අරමුණෙන් එදා ඇරඹු ගමනට 2014 සැප්තැම්බර් 19 වෙනිදාට වසර විස්සක් සම්පූර්ණ වෙනව. ඒ වෙනුවෙන් මිහිතල මිතුරෝ පරිසර සංවර්ධන පදනම තම 20 වන සංවත්සර සැමරුම මහා ඉහළින් සමරන්නට සියළු කටයුතු සූදානම් කර තිබුනා. මේ ඒ පිළිබඳව ලියැවෙන සටහකි.
2014 වර්ෂය 20 වන සංවත්සර වර්ෂය ලෙස නම් කරගත් මිහිතල මිතුරන් ඒ වෙනුවෙන් සුවිශේෂී වැඩසටහනක් සකස් කළා. එහි ප‍්‍රධානතම වැඩසටහන වන්නේ කොඩිගහකන්ද ජෛව විවිධත්වය ප‍්‍රජාවගේද සහභාගිත්වයෙන් නව මානයකින් ඇරඹිමයි.
ඒ යටතේ ජනකලා කෞතුකාගාරය, පුස්තකාලය, ශාකාගාරය, නේවාසිකාගාරය යන අංගයන්ගෙන් සමන්විත නව ගොඩනැගිල්ලක් ඉදිකිරිම එහි එක් ප‍්‍රධාන කි‍්‍රයාකාරකමක්. මේ වන විට එහි වැඩකටයුතු 60% ක් පමණ අවසන්.
හාත්පස අයස්කාන්ත දර්ශනය බාධාවකින් තොරව නැරඹිමට, කුරුළු නිරික්ෂණයට හා රාතී‍්‍ර අහස නිරීක්ෂණයට යොදා ගත හැකිවන සේ කඳුමුදුනේ නිරික්ෂණ කුළුණක් ඉදිකිරිමේ කටයුතු ද 80% කින් පමණ දැන් අවසන් කර තිබෙනවා.
පාරිසරික සංචාරක කර්මාන්තය නැණවත් ලෙස යොදා ගනිමින් එය සංරක්ෂණයේ අරමුණු ජය ගත හැකිවනසේ යොදා ගැනිමට මිහිතල මිතුරන් තවත් සුවිශේෂි වැඩක් කළා. ඒ තමයි ස්වභාවික වනාන්තරයක් තුළ ඉදිවූ එකම පාරිසරික ත‍්‍රාසජනක උද්‍යාණය (Eco Adventure Park)  ඉදිකිරීම. එහි වැඩ 99% ක් පමණ දැන් අවසන්. එය කි‍්‍රයාත්මක මට්ටමක පවතිනවා.
එහි තවත් සුවිශේෂි තාවයක් තිබෙනවා. ඒ තමයි මෙවැනි පාරිසරික ත‍්‍රාසජනක කි‍්‍රයාකාරකම් සිදුකෙරෙන ශී‍්‍ර ලංකාවේ පවතින බොහෝතැන් අතුරින් ආරක්ෂාව හා සෞඛ්‍යය පිළිබඳව අන්තර්ජාතික මට්ටමේ විගණනයක් (Helth and Safety audite) සිදු කළ ස්ථාන 2 න් එකක් මෙය වීම
කොඩිගහකන්දේ ජෛව විවිධත්වය පිළිබඳව වසර 20 කින් කිසිදු විධිමත් පර්යේෂණයක් සිදු කර නැහැ. ඒ අඩුව පුරවන්නට අංග සම්පූර්ණ පර්යේෂණයක් සජීව චාමිකර මහතාගේ මූළිකත්වයෙන් දැන් සිදුවෙමින් පවතිනවා. ලෝකයේ බොහෝතැන්වල ජෛව විවිධත්වය හායනය වෙමින් පවතින යුගයක කොඩිගහකන්දේ ජෛව විවිධත්වය ඉහළ යමින් පවතින බව තමයි පර්යේෂණයන්ගෙන් ඔප්පුවන්නේ. තවමත් පර්යේෂණය අවසන් නැහැ . එහෙත් දැනට සිදුකළ පර්යේෂණ තොරතුරු, 1995 ශී‍්‍ර ලාල් නිශාන්ත මහතා සිදු කළ පර්යේෂණ තොරතුරු හා සංසන්දනයේ දී ඒ බැව් මනාව ඔප්පු වෙනවා.මේ පිළිබඳ අංග සම්පූර්ණ තොරතුරු පර්යේෂණය අවසන් කොට නිකුත් කෙරෙන පර්යේෂණ වාර්තාව එළි දැක්විමෙන් පසු ඔබට දැනගන්නට සළස්වන්නම්.
දැඩිලෙස සෝදා පාළුවට ලක්වෙමින් පවතින ජෛව විවිධත්ව මධ්‍යස්ථානය අසළින් ගලා බසින තැඹිළි දොළ සංරක්ෂණය ද දැන් අරඹා ඇත.
පාසල් දරුවන් වෙනුවෙන් ඇරඹි ඇති පාරිසරික පියගැටපෙළ පාරිසරික වැඩසටහන කි‍්‍රයාත්මක තලයේ ඇත. හොරණ හා ශී‍්‍ර ජයවර්ධණපුර අධ්‍යාපන කලාපයන් හි ගුරු වැඩමුළු අවසන් කර ඇත.
 ප‍්‍රජාවගේ ජීවනෝපාය සංවර්ධනය සඳහා ද මෙම 20 වන සංවත්සර වැඩසටහන් මාලාවේ ඉඩක් වෙන්වි ඇත. ඒ යටතේ මී මැසි පාලනය, කෝමාරිකා වගාව හා විවිධ නිෂ්පාදනයන් වානිජ මට්ටමෙන් ඇරඹිම සඳහා දායකත්වය ලබාදිම හඳුන්වා දිය හැකිය. එ යටතේ කාබනික සබන් නිෂ්පාදනය, ඖෂධීය ෂැම්පු නිෂ්පාදනය, පිගන් ආදිය සෝදන දියර ( Dish Wash) නිෂ්පාදනය. සුද් පොල්තෙල් නිෂ්පාදනය හා විවිධ අහාර වර්ග නිෂ්පාදනය සඳහා ප‍්‍රායෝගික වැඩසටහනක් ඇරඹි ඇත. තායිලන්තයේ පන් පන් ආයතනයේ රම්පායි මෙනෙවිය ඒ පිළිබඳව විධිමත් පුහුණුවක් ලබා දෙන ලදී.
මෙම 20 වන සංවත්සර වැඩසටහනේ අති උත්කර්ශවත් අවස්ථාව වූයේ 20 වන සංවත්සර මහා සමුළුවයි. එය මෙම සැප්තැම්බර්  28 වන දින කොඩිගහකන්ද ජෛව විවිධත්ව මධ්‍යස්ථානයේ දි පැවැත්වුණි.
නොනිදා පහන්වු රාතී‍්‍ර ගණන කොතෙක්දැයි කිව නොහැකිය. සංවත්සර සමුළුව වෙනුවෙන් ඉටු කළයුතු වැඩ අපමණය. සැවොම එකාමෙන් වෙහෙසෙමින් සමුළුවේ සාර්ථකත්වය වෙනුවෙන් කැපවීමේ ප‍්‍රතිඵල සැප්තැම්බර් 28 වෙනිදා එලිදකින්නට විය.

දිගින් දිගට වැසි බරව පැවති කාලගුණය අපේ බොහෝ වැඩකටයුතු පමා කරන්නට විය. මෙම සමුළුව මහජනතාවට විවෘත සමුළුවක් නොවීය. සිමිත ඉඩකඩ හා සම්පත් නිසා සාමාජිකයින් හා ආරාධිතයින් සඳහා පමණක් සමුළුවේ සහභාගිත්වය සීමා කරන්නට සිදුවිය. 

20 වසරක පියසටහන් ඇතුළත් පුංචි ප‍්‍රදර්ශනයක් ද සමුළුව වෙනුවෙන් සංවිධානය කර තිබුනා
පී ගුරුසිංහ මහතාගේ දායකත්වයෙන් දේශිය බිජ ප‍්‍රදර්ශනක් ද සංවත්සර උළෙල අර්ථවත් කරන්නට එක්වි තිබුනා
 20 වසරක් සපුරන මිහිතල මිතුරන්ගේ සංවත්සර සමුළුවට සහභාගිවන 
බලාපොරොත්තුවෙන් උදෑසන සිට කොඩිගහකන්ද ජෛව විවිධත්ව මධ්‍යස්ථාන භූමියට පිරිස් රොද බඳින්නට උනා. 

වරකාගොඩ ගල්ලෙන රජමහා විහාරාධිපති, ගල්ලෙන පරිසර පදනමේ නිර්මාතෘ පූජ්‍ය පෝරුව දණ්ඩේ සුමන හිමිපාණන් සමුළුවේ ගෞරවණිය ආරාධිත හිමිනමක් උන්වහන්සේ සමුළුවට සම්ප‍්‍රාප්තවන අවස්ථාව

කිතුළවිල තිස්සවන විහාරාධිපති පූජ්‍ය කහටරුප්පේ ඤානකිත්ති හිමිපානන් සමුළුවට වඩිද්දී ..........


විද්‍යාකර බාලිකාවේ දෙමව්පිය සංවිධානයේ අනුරුද්ධ මහතාසංවත්සර සමුළුවට තිලිණයන් ලෙස හෙල්මට් රැුගෙන විත් සංවිධානයට පරිත්‍යාග කරද්දී ........
පසුපසින් කළුතර දිස්ති‍්‍රක් පරිසර නියමු උපදේශිකා රූපා පිරිස් මහත්මිය සහ හොරණ ශී‍්‍රපාලි මහා විද්‍යාලයේ පරිසර නියමු ආචාරිණි අරුණි පාරිස් මහත්මිය ද වෙයි

විද්‍යාකර බාලිකාවේ හිටපු විදුහල්පතිනී ලීලා අධිකාර්ම් මහත්මිය සහ අදිකාරම් මහතා සමුළුව වෙතට පිය නගද්දී ........

මාධ්‍ය ආවරණය ලබාදිමට සිරස රූපවාහිනිය සහ මාධ්‍යවේදී බන්දුල ගුලවත්ත මහතා සමුළුවට පැමිණෙද්දී .......

ඔළබොඩුව ජයවර්ධනාරාමය සහ තලගල විපස්සනා භාවනා මධ්‍යස්ථානයෙහි අදිපති පූජ්‍ය උඩුවේ හේමාලෝක හිමිපාණන් සහ කෝරළඉම මිහිඳු විහාරාධිපති සහ ගම්පහ දිස්ති‍්‍රක් අධ්‍යාපන අධ්‍යක්ෂ බලගොඩ අමරජෝති හිමිපාණන් 20 වන සංවත්සර මහ සමුළුවට වඩිද්දී........

කළුතර දිස්ති‍්‍රක් පාරිලිමේන්තු මංතී‍්‍ර විදුර වික‍්‍රමණායක මැතිතුමාගේ ප‍්‍රධානත්වයෙන් සමාරම්භක උත්සවය ඇරඹුනා. චාරිත‍්‍රාණුකූලව පොල්තෙන් පහන් දැල්විමෙන් ඇරඹි සමුළුවේ සමාරම්භක උත්සවයේ ඊලග අංගය වූයේ ජාතියට උපහාර දැක්විමයි. සැවොම නැගි සිට ජාතික ගිය ගායනා කළා. පිරිස පංචශිලයෙහි පිහිටවූයේ ඔළබොඩුව ශී‍්‍ර ජයවර්ධනාරාමාධිපති සහ තලගල විපස්සනා භාවනා මධ්‍යස්ථානාධිපති කම්මට්ඨානාචාර්ය උඩුවේ හේමාලෝක හිමිපාණන් විසිනි.


පහන් සිළු දල්වා සමාරම්භක උළෙල ආලෝකමත් වූ වගයි ..........


පිලිගැනිමේ කථාව පාසල් අංශයේ ප‍්‍රධාන සංවිධායක මිථිල දර්ශන මහත්මා විසින් පැවැත්වූවා. 


මිහිතල මිතුරෝ පාසල් වැඩසටහනේ ප‍්‍රධාන සංවිධායක මිථිල දර්ශන මහතා පිළිගැනිමේ කථාව පවත්වමින්..........

20 වසරක නොනිමි පියසටහන් විදහා දැක්වෙන කෙටි වාර්තාමය වීඩියෝ වැඩසටහනකින් සමුළුව අර්ථවත් උනා. ඊලග අංගය වූයේ මෙම සමුළුව කැඳවීමේ අරමුණ පැහැදිලි කිරීමයි. සංවිධානයේ වත්මන් සභාපති කරුණාදාස මුනගම මහතා විසින් මෙම සමුළුව කැඳවීමේ අරමුණ ඉතා කෙටියෙන් පහදා දුන්නා.


20 වසරක අභිමානවත් ඉතිහාසයේ සැමරුම් උළෙලේ අරමුණ පහදමින් සමුළුව අමතන කේ.මුණගම මහතා.........

‘‘සතරවරම් දෙව් මහරජ සතර අතින් ඇවිදින්....’’ මිහිතල මිතුරෝ සොබාසවිය ළමා සමාජය විසින් රංගනයකින් සමුළුව හැඩවැඩ කළා.

මිහිතල මිතුරෝ ළමා සමාජයේ සාමාජිකයින්ට සංකේතාත්මකව ඇගැයීමේ සහතික පත‍්‍ර ප‍්‍රදානය කෝරළඉම මිහිඳු විහාරස්ථානාධිපති ගම්පහ දිස්ති‍්‍රක් අධ්‍යාපන අධ්‍යක්ෂ බලගොඩ අමරජෝති හිමිපානන් විසින් සිදුකරන්නට යෙදුනා.


සංවිධානයේ ජ්‍යෙෂ්ඨ උපදේශක මහාචාර්ය සරත් විමලබන්ඩාර කොටගම මහතා විසින් සමුළුව වෙත එවන ලද සුභ පැතුම් පණිවිඩය රවිඳු සඳරුවන් විසින් ඉදිරිපත් කිරීමෙන් අනතුරුව එළඹියේ සුවිශේෂි අවස්ථාවකටයි. ඒ උත්තම පූජා ප‍්‍රණාම සම්මාන පිරිනැමිමේ අවස්ථාවයි. සංවිධානය වෙනුවෙන් අමිල මෙහෙවරක නිරතවූවන් වෙනුවෙන් පිරිනැමෙන මෙම සම්මාන ප‍්‍රදානයේ දී සුමනපාල පටුවතවිතාන මහතා, ඩබ්ලිව්.සෝමාවතී මාතාව, රොහාන් ද සොයිසා මහතා සහ කරුණාදාස මුනගම මහතා සම්මානයෙන් පුදන ලැබුවා.  එම සම්මානයන් පිරිනැමිමේ හේතු පාඨයන් හි මෙසේ සඳහන් වූවා.
ඔබ අප සංවිධානයේ මාතාව විය. දහවල රාතී‍්‍රයේ ඔබට වෙනසක් නොවිය. ගව් ගනන් දුර පා ගමනින්  ගමින් ගම නගරයෙන් නගරය යමින් සොබාදහම සුරකින්නට, අපේ පරිසර පණිවිඩය සමාජ ගතකරන්නට  වෙහෙසුන තරම කොතෙක්දැයි පවසන්නට අපි නොදනිමු. නිතර සිනහවෙන් මුව සරසා ගත් සැහැල්ලූ හදකින් සැම දෙනා සමග දිවි ගෙවු ඔබ අපට ඉමහත් ආදර්ශයකි. අප සංවිධානයට අනූපමේය මෙහෙවරක් ඉටුකළ දයාබර මාතාවෙනි, එ් අති විශිෂ්ඨ පාරිසරික හා සමාජ මෙහවර අගයමින් උතුරායන මව් සෙනෙහසින් ඔබතුමියගේ දෙපා නැමැද ගෞරව බහුමානයෙන් මේ උපහාර සම්මාන සිහිවටනය මිහිතල මිතුරෝ පරිසර සංවර්ධන පදනම මගින් ඩබ්ලිව්. සෝමවතී මාතාවන්ට පිරිනැමෙන වගයි. 

2014 ක් වූ සැප්තැම්බර් මස 28 වන දින කොඩිගහකන්ද ජෛව විවිධත්ව මධ්‍යස්ථානයේ දී 


දකුණු සිරිලක ඉපිදී දිසාපාමොක් පරපුරේ ගුරු වෘත්තිය තම වෘත්තිය බවට පත් කරගත් ඔබ නිසගයෙන්ම සමාජශීලී මිනිසෙකු විය' රට පුරා විවිධ පෙදෙස්වල දහසක් සිසු දරුවන්ගේ දෙනෙත් පාදන්නට දිවිය කැප කළ ඔබ සොබාදහමට හා පරිසරයට ද එකසේ ආදරය කළේය. මිහිතල මිතුරන් බිහි කරන්නට ආරම්භයේ සිටම උර දුන් ඔබතුමා අයිතිවාසිකම් අහිමි දනන් වෙනුවෙන් නොපසුබටව සෘජුව නැගි සිටි අයෝමය නායකයකු ද විය අද ජීවිතයේ සැදෑසමය ගෙවමින් සිටින මේ උත්තම මිනිසාගේ අපරිමිත මානව දයාව හා පරිසර දැක්ම අගයනු වස් මිහිතල මිතුරෝ පරිසර සංවර්ධන පදනම මගින් පටුවත විතානගේ සුමනපාල ගුරු පියාණන් වෙත මෙම උපහාර සම්මාන සිහිවටනය ගෞරව බහුමානයෙන් යුක්තව පිරිනැමෙන වගයි2014 ක් වූ බිනර මස 28 වන දින කොඩිගහකන්ද ජෛව විවිධත්ව මධ්‍යස්ථානයේ දී



සොබාදහමට අසීමිතව පෙම් බැඳි මිනිසා ඔබය' තම මුතුන් මිත්තන් විසින් වන සිව්පාවුන්, කුරුළු කෙවිල්ලන් වෙනුවෙන් උරුම කරදුන් වන අරණ  කෑදර මිනිසුන්ගේ ග‍්‍රහණයෙන් මිරීකී යන්නට නොදී සිය ධනය කැපකර එය සොබාදහමට තිළිණ කළ උත්තුංග මිනිසා ඔබය' තරුණ කැලක් වනඅරණ සුරකින්න පෙරට ආ සඳ සෙනෙහසින්  ඔවුන් පිළිගෙන එ් වෙනුවෙන් කැප කිරීම් කළ මිනිසා ඔබය. පරිසරය, සොබාදහම පිළිබඳව නිරවුල් මනසකින් ප‍්‍රවේ නැණ පහන් දල්වා මනුගුණ දම් වැඩු දුලබ මිනිසා ඔබය'


එ් උත්තම මිනිසාගේ පිරි ඉතිරි යන මිනිස්කමට මිහිතල මිතුරෝ පරිසර සංවර්ධන පදනම විසින් තම ඉතිහාසයේ ප‍්‍රථම වතාවට පිරි නැමෙන ඉහළම ගෞරව සම්මානය මිහිතල මනුදම් ප‍්‍රසාදිනී උත්තම ගෞරව සම්මානය ටෙරන්ස් රොහාන් නියොමාල් ද සොයිසා මැතිතුමන් වෙත ඉමහත් ගෞරව බහුමානයෙන් යුක්තව පිරිනැමෙන වගයි

2014 ක් වූ බිනර මස 28 වන දින කොඩිගහකන්ද ජෛව විවිධත්ව මධ්‍යස්ථානයේ දී




හිරු සඳු දෙනෙත කරඇළදොල රුහිර කරමඳ නල හුස්ම කරමිහිකත් මව්ට ජිවය පොවනසුජාත පුත‍්‍රයදායාද ලද ධජ පව්වපණමෙන් සුරකිනසුජම්පතියාණනිවිසිවසක් පුරාවට සහසුව කැපකරඔබ කරනා අනුපමේය මෙහෙයටකරුණාදාස මුණගම නමු වූ ලබැදි හිතවතඔබට මිහිතල මිතුරෝ සහෘදයන්ගේ උත්තරීතර ප‍්‍රණාමය

2014 ක් වූ බිනර මස 28 වන දින කොඩිගහකන්ද ජෛව විවිධත්ව මධ්‍යස්ථානයේ දී

ඊලග අංගය වූයේ ප‍්‍රධාන ආරාධිත අමුත්තා වූ කළුතර දිස්ති‍්‍රක් ගරු පාර්ලිමේන්තු මන්ත‍්‍රී විදුර වික‍්‍රමණායක මැතිතුමාගේ කථාවයි 



මහරගම විද්‍යාකර බාලිකාවේ පරිසර නියමුවන් විසින් ඉදිරිපත් කරන ලද පාරිසරික රංගනයක් සමුළුවට නවතම අලංකාරයක් එකතු කළා 


මිහිමව් විද්‍යාපදනමේ සුභපැතුම් එක් කරමින් එම සංවිධානයේ සභාපති ශාස්ත‍්‍රපති සම්පත් ආරියසේන මහතා ද ශී‍්‍ර ලංකා හරිත ව්‍යාපාරය වෙනුවෙන් පේ‍්‍රමපාල හේවාබටගේ මහතා ද සොබා සාමූහිකය වෙනුවෙන් පරිසරවේදි සජිව චාමිකර මහතා ද අදහස් දක්වමින් කථා කළා'


සම්පත් ආරියසේන මහතා වත්මන් යුගයේ  පරිසර සංවිධානයක වගකීම පහදමින් සභාව අමතයි .........




සොබා සාමූහිකයේ විධායක අධ්‍යක්ෂ සජීිව චාමිකර මහතා සමුළුවට සුභපැතුම් එක්කරමින් .........



පරිසර දේශපාලනය හා මිහිතල මිතුරන් පිළිබඳව පේ‍්‍රමපාල හේවාබටගේ මහතා   අදහස් දක්වමින්  .........

තවත් සුවිශේෂි සිදුවීමක් ඒ අතරට එකතු උනා. මිහිතල මිතුරෝ පාසල් වැඩසටහන සඳහා මීට වසර 19 කට පමණ පෙර සකස් කරන ලද ප‍්‍රදර්ශණයේ ප‍්‍රදර්ශන අංග පිළිබඳව විස්තර කෙරෙන ග‍්‍රන්ථයක් එම ප‍්‍රදර්ශනයේ නිර්මාපකයා එනම් මිථිල දර්ශන මහතා විසින් මිහිතල මිතුරෝ සභාපතිතුමා වෙතට පිරිනැමීම සිදු උනා



 මිහිතල මිතුරෝ සොබාසවිය ළමා සමාජය මගින් ඉදිරිපත් කළ පාරිසරික රංගනයකින් සමුළුව වර්ණවත් වූ අතර සමාරම්භක උළෙල අවසන් වූයේ තේපැන් සංග‍්‍රහයක් සඳහායි'


ලොව සරසන දළු කොළ මල් අපට අයිති නෑ ඒ නිසාම අපට ඒව  වනසන්නට බෑ 

ඒ කෙටි විවේකයේ දි  විද්‍යාකර බාලිකාවේ හිටුපු විදුහල්පතිනිය හා වත්මන් විදුහල්පතිනිය ද පොදුජන හිමිකම් කමිටුවේ විධායක අධ්‍යක්ෂ පියසෝම බෙන්තොට මහතා ද දුමින්ද නාගොමුව මහතා ද හෝමාගම අධ්‍යාපන කොට්ඨාශ පරිසර නියමු කොමසාරිස් චන්ද‍්‍ර පත්මා ගුරු මහත්මිය ද පරි්සරවේදී උදය ලියනගේ මහතා ද රාජගිරිය බැංකුවේ විධායක නිලධාරී පි‍්‍රයංග මහතා ද අදහස් දැක්වූවා' 

පරිසර නියමු කොමසාරිස් චන්ද‍්‍ර පත්මා ගුරු මහත්මිය සමුළුව පිළිබඳව අදහස් දක්වමින් 

පිළිවෙළින් මෙහි පහත දැක්වෙන්නේ පියසෝම බෙන්තොට මහතා, දුදීස දුමින්ද නාගොමුව මහතා, ප‍්‍රියංග මහතා සහ උදය ලියනගේ මහතා සමුළුව අමතන අවස්ථාවන්


තේ විවේකයෙන් පසුව පස්වරු 01'30 ට පමණ සමුළුවේ නිල කටයුතු ඇරඹුනේ ටෙරන්ස්  රොහාන් නියොමාල් ද සොයිසා මහතාගේ ප‍්‍රධානත්වයෙන් එහිදී ළමා හා තරුණ සංවිධානයන් හි සාමාජිකයින් ඇගැයිම සිදුවූ අතර ඉදිරි වර්ෂය සඳහා අනු සංවිධානයන් හා මිහිතල මිතුරෝ සංවිධානය සඳහා නිලධාරින් තෝරා ගැනීම සිදු උනා' ඉදිරි වර්ෂය සඳහා තේරී පත්වූ නිලමඩුල්ල මෙසේය'

මිහිතල මිතුරෝ පරිසර සංවර්ධන පදනම සොබාසවිය ළමා සමාජය                ප‍්‍රධාන නිල මඩුල්ල

ගරු සභාපති -( හසාරා කුළමිනි මෙනෙවිය
ගරු ලේකම් -(  හරින්දි කුමුදු හංසිකා මෙනෙවිය
ගරු භාණ්ඩාගාරික -( රුසිරු සඳරුවන් මහතා
ගරු උප සභාපති -( රුසිරු සහන් මහතා
ගරු උප ලේකම්-( රුවිනා භවන්ති මෙනෙවිය


මිහිතල මිතුරෝ පරිසර සංවර්ධන පදනම සොබාසවිය තුරුණු සංවිධානයේ  ප‍්‍රධාන නිල මඩුල්ල


ගරු සභාපති -( විකුම් රත්නායක මහතා
ගරු ලේකම් -(  චතුමිණි ලක්ෂාණි මෙනෙවිය
ගරු භාණ්ඩාගාරික -( පියුමි වත්සලා මෙනෙවිය
ගරු උප සභාපති -( ජනිඳු චාමර මහතා
ගරු උප ලේකම්-( කාවින්ද්‍යා ශෂීප‍්‍රභා මෙනෙවිය


මිහිතල මිතුරෝ පරිසර සංවර්ධන පදනම සජන මිතුරෝ  ප‍්‍රධාන නිල මඩුල්ල

ගරු සභාපති -( ජී'පී'කුමාරනායක මහතා
ගරු ලේකම් -(  චන්ද‍්‍රිකා වික‍්‍රමගේ මහත්මිය
ගරු භාණ්ඩාගාරික -( රත්නසිරි රොසයිරු මහතා
ගරු ප‍්‍රධාන සංවිධායක-( ජයන්ත පේ‍්‍රමලාල් මහතා
ගරු උප සභාපති -( දමිත් නිශාන්ත මහතා
ගරු උප ලේකම්-( හිමාලි දමයන්ති මහත්මිය

මිහිතල මිතුරෝ පරිසර සංවර්ධන පදනම ප‍්‍රධාන නිල මඩුල්ල
ගරු සභාපති -( කරුණාදාස මුණගම මහතා
ගරු ලේකම් -(  රවිඳු සඳරුවන් මහතා
ගරු භාණ්ඩාගාරික -( ප‍්‍රදීප් උදයංග මහතා
ගරු උප සභාපති -( චන්දික ගුණතිලක මහතා
ගරු උප ලේකම්-( මිථිල දර්ශන මහතා